Ir al contenido principal

Bacallao a Vizcaina

Ir a receita en castelán

Ola, outra vez por aquí para darlle unha volta a un prato tradicional, da cociña de sempre e para sempre.
O elemento principal deste prato é o bacallao, Vai dedicada a todos os ofrecidos o bacallao e tamén os conversos coma min.
Para a preparación que nos ocupa, aprovisionamos, para 4 persoas, o seguinte:

1 kilo de bacallao desalgado
3 culleriñas de carne de pemento choriceiro
2 cebolas
1 porro
2 dentes de allo
2 xemas de ovo cocido
3 rebandas de pan frito
Améndoas
1 cullerada de fariña
Sal e aceite

Poñemos o bacallao o lume en auga. No momento que rompe a ferver, retiramos do lume e sacámolo a un prato para deter a cocción. Sacamos as espiñas con coidado de non romper as pezas do bacallao e poñémolo na cazola que vaia a ir o lume. Reservamos unha pouca auga da cocción.
Cortamos a cebola en xuliana, picamos o porro e o allo. Facemos ata que a cebola comenza a tomar cor e agregamos a cullerada de fariña, facemos para quitar o sabor a cru da fariña.
Neste momento incorporamos unhas poucas améndoas picadas groseiramente no morteiro.
Incorporamos as xemas de ovo cocida, as culleriñas (ben colmadas) de carne de pemento choriceiro e unha pouca da auga reservada. Facemos uns minutos.
Se vemos que o necesita, engadimos unha pouca máis de auga.
Engadimos o pan frito e pasamos polo pasa purés.
Cubrimos con este prebe os anacos de bacallao e deixamos facer uns minutos a lume brando, movendo o cazo regularmente.
Neste momento poderíase servir, máis a miña recomendación e que se faga de véspera, co fin de que os sabores se mesturen ben.
A por elo, cociña tradicional é moi apropiada para estes días de coresma.