Ir á receita en castelán
Hai uns días, comendo bacallau en Leboreiro na Serra da Peneda, veume á cabeza unha receita que vira xa fai algún tempo nunha revista e que no seu momento, pareceume que tiña unha combinación de sabores que poderían ser interesantes. Creo recordar que había varias receitas de bacallau e que estaba patrocinado por Mar de Noruega.
Pois ben, con esta receita, un pouco máis elaborada que as poucas que fixen no verán, quero dar por aberto este novo período despois das vacacións.
Entón se queredes facer este prato, teredes que ter:
600 grs de bacallau desalgado
3 patacas
2 dentes de allo
Pementos do Piquillo
Maionesa
Azucre
Sal, pementa e aceite de oliva
Poñemos a cocer as patacas con pel e cando estean, pasámolas por auga fría para deter a cocción. Pelámolas e cortamos en cadrados pequenos. Reservamos
Os dous dentes de allo poñémolos (con pel) nun cazo pequeno, con aceite, a lume moi brando, até que comencen a dourarse, momento no que os retiraremos, deixaremos arrefriar e machacaremos nun morteiro. Reservamos.
Nunha cazola con aceite, tamén a lume brando, poñemos os piquillos cun suspiro de vinagre, co líquido de conservación e unha culler pequena de azucre. Deixamos que se confeiten moi lento, uns 5 ou 7 minutos, dándolle á cazola uns movementos de vaivén de vez en cando. Reservamos.
Noutra cazola, e co aceite de facer os allos e tamén a lume brando facemos o bacallau, que botaremos ca pel para abaixo e que deberá quedar cuberto polo aceite. Deixamos que se coza lentamente nese aceite uns 8 ou 10 minutos. Retiramos e deixamos que atempere na propia cazola.
Desfacemos en lascas e reservamos.
As patacas que tíñamos reservadas, dámoslle un lixeiro salteado nunha tixola con pouco aceite.
Mentres mesturamos a maionesa cos allos machacados (se non vos gusta o allo podemos prescindir) e abrimos os pementos para retirarlle as posibles sementes que traian.
Chega o momento de empratar, nunha fonte que poida ir ó forno, colocamos uns aros cortapastas e no fondo poremos unhas patacas, por riba colocaremos os pementos e por riba destes as lascas de bacallau. Cubriremos ca maionesa e poremos no forno a gratinar. Cando a maionesa colla a cor do pan, é o momento de retirar do forno (que non vos pase coma min que me despistei e xa vedes o resultado na foto. Aínda que estaba bo, estaba algo tostado pero non queimado).
Retiramos os aros e á mesa con este prato cheo de sabores, no que o aceite xoga un papel moi principal, por iso é fundamental usar un bo aceite. Non nos vai a enmascarar os sabores e si os vai a potenciar.
Benvidos a tod@s os que vos incorporades despois das vacacións.
Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo: olivarela@hotmail.es
No Facebock: http://www.facebook.com/boproveito
Hai uns días, comendo bacallau en Leboreiro na Serra da Peneda, veume á cabeza unha receita que vira xa fai algún tempo nunha revista e que no seu momento, pareceume que tiña unha combinación de sabores que poderían ser interesantes. Creo recordar que había varias receitas de bacallau e que estaba patrocinado por Mar de Noruega.
Pois ben, con esta receita, un pouco máis elaborada que as poucas que fixen no verán, quero dar por aberto este novo período despois das vacacións.
Entón se queredes facer este prato, teredes que ter:
600 grs de bacallau desalgado3 patacas
2 dentes de allo
Pementos do Piquillo
Maionesa
Azucre
Sal, pementa e aceite de oliva
Poñemos a cocer as patacas con pel e cando estean, pasámolas por auga fría para deter a cocción. Pelámolas e cortamos en cadrados pequenos. Reservamos
Os dous dentes de allo poñémolos (con pel) nun cazo pequeno, con aceite, a lume moi brando, até que comencen a dourarse, momento no que os retiraremos, deixaremos arrefriar e machacaremos nun morteiro. Reservamos.
Nunha cazola con aceite, tamén a lume brando, poñemos os piquillos cun suspiro de vinagre, co líquido de conservación e unha culler pequena de azucre. Deixamos que se confeiten moi lento, uns 5 ou 7 minutos, dándolle á cazola uns movementos de vaivén de vez en cando. Reservamos.
Noutra cazola, e co aceite de facer os allos e tamén a lume brando facemos o bacallau, que botaremos ca pel para abaixo e que deberá quedar cuberto polo aceite. Deixamos que se coza lentamente nese aceite uns 8 ou 10 minutos. Retiramos e deixamos que atempere na propia cazola.
As patacas que tíñamos reservadas, dámoslle un lixeiro salteado nunha tixola con pouco aceite.
Mentres mesturamos a maionesa cos allos machacados (se non vos gusta o allo podemos prescindir) e abrimos os pementos para retirarlle as posibles sementes que traian.
Chega o momento de empratar, nunha fonte que poida ir ó forno, colocamos uns aros cortapastas e no fondo poremos unhas patacas, por riba colocaremos os pementos e por riba destes as lascas de bacallau. Cubriremos ca maionesa e poremos no forno a gratinar. Cando a maionesa colla a cor do pan, é o momento de retirar do forno (que non vos pase coma min que me despistei e xa vedes o resultado na foto. Aínda que estaba bo, estaba algo tostado pero non queimado).
Retiramos os aros e á mesa con este prato cheo de sabores, no que o aceite xoga un papel moi principal, por iso é fundamental usar un bo aceite. Non nos vai a enmascarar os sabores e si os vai a potenciar.
Benvidos a tod@s os que vos incorporades despois das vacacións.
Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo: olivarela@hotmail.es
No Facebock: http://www.facebook.com/boproveito