Ir al contenido principal

Risotto de trompetas da morte con allos tenros.

Ir á receita en castelán

Xa estamos a ver sinais que nos están indicando que xa está chegando. Vendimas, choivas, cores ocres nos nosos montes, anticipo todo elo do outono.
Efectivamente cada vez está máis presente e con el chegan as setas que tantas satisfaccións gastronómicas nos dan.
Pois coma xa vai a empezar, traio hoxe unha receita con Trompetas da morte ou dos mortos.
Useinas deshidratadas, que é unha maneira de ter setas durante todo o ano.
Unha aclaración sobre a cantidade de arroz. Se estamos a falar de prato único usaremos sobre 100-120 grs de arroz por comensal, si temos outro prato sobre 70-80 persoa.
Pois ben para facer o noso risotto, precisaremos:

320 grs de arroz arborío
Trompetas da morte (unhas 6 ou 7 por comensal. Non as pesei)
Touciño
8 ou 9 allos tenros
2 dentes de allo
1 cebola pequena
Parmesano relado
Manteiga
Aceite de oliva
Pementa branca e sal.

Como primeiro paso temos que poñer as setas a hidratar.  Farémolo, como mínimo, cinco horas antes de cociñar o noso prato. Unha vez hidratadas poñémolas a escoar e quentamos a auga da hidratación, para usar no noso arroz.
Picamos a cebola e os dentes de allo en dados pequenos. Facemos o mesmo co touciño. Limpamos os allos tenros e cortamos en tres ou catro anacos.
Poñemos un chorro de aceite na cazola e salteamos os allos tenros. Retiramos e reservamos.
No mesmo aceite, e a lume brando, facemos a cebola e os allos, cando comencen a coller algo de cor incorporamos os dados do touciño. Salteamos o conxunto un par de minutos.
Incorporamos o arroz que mesturaremos co conxunto outro par de minutos e salpimentaremos.
Engadimos uns tres garfelos da auga quente e deixamos cocer. A partir de agora imos a ir engadindo a auga, pouco a pouco, segundo a vaia necesitando. Remexemos a menudo para que o arroz absorba uniformemente a auga.
Xusto antes de botar o último garfelo ó arroz, incorporamos as setas e dámoslle unhas voltas máis.
Para rematar o noso risotto, botamos os allos tenros reservados, un par de anacos de manteiga (do tamaño de una noz) e o parmesano. Remexemos e retiramos do lume, debe de quedar cremoso.

Repartimos nos pratos de servizo e para a mesa, xa que está no seu punto.
Feliz tempada de setas.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es