Ir á receita en castelán
- 12 láminas para canelóns
- 600 grs de peixe sapo
- 350 grs de mexillóns cocidos
- 400 grs de champiñóns Portovello
- Prebe de tomate
- 1 litro de leite
- 60 grs de manteiga
- 60 grs de fariña
- Pementa negra e branca
- Queixo parmesano relado
- Brandi
- Noz moscada e sal
Hoxe imos cun prato de pasta, de canelóns para ser máis concreto. Uns canelóns con un recheo cun sabor de mar, ó que lle imos a dar un toque de terra cos champiñóns.
Como poño nos ingredientes, eu usei champiñóns Portovello, pero usade os cogomelos que vos gusten.
Xa sei que os canelóns é unha das preparacións de pasta que da un pouco máis de traballo, pero merecen a pena pois, normalmente, son do gusto de todos.
Comenzamos por cocer a pasta atendendo as instrucións do fabricante. Cando estean feitas as placas de canelón, os poñemos entre dous panos de algodón para que solten a humidade.
Salteamos os champiñóns nunha tixola cun fío de aceite, os 5 ou 6 minutos eliminamos o exceso de auga e engadimos o peixe sapo e os mexillóns en anacos. Salpimentamos e engadimos un golpe de brandi. Facemos uns cinco minutos para que se evapore o alcohol. Reservamos.
Procedemos a facer unha bechamel con consistencia para napar.
Nun cazo poñemos a manteiga e deixamos que se derrita, momento no que botamos a fariña de golpe e facemos sen deixar de remexer cunhas varillas, ate que a manteiga tome unha lixeira cor dourada. Apartamos do lume e deixamos atempar. A este proceso da bechamel se lle chama: roux.
Mentres quentamos o leite. Volvemos a levar o roux ó lume, engadimos o leite e facemos o conxunto, como mínimo 10 minutos, sen deixar de remexer. No proceso engadimos á bechamel, pementa branca e noz moscada (se pode ser recen moida). A bechamel estará feita cando se separe con facilidade das paredes do cazo.
Engadimos unhas catro culleradas de bechamel a mestura de peixe sapo, mexillóns e champiñóns que temos reservada. Remexemos para mesturar ben.
Imos poñendo nas placas de canelóns a cantidade suficiente de mestura, enrolamos e poñemos nunha fonte de forno, cunha lixeira capa de bechamel no fondo.
Cubrimos os canelóns co resto da bechamel, relamos o parmesano por riba e levamos al forno ate que o queixo estea dourado.
Para o seu servizo en mesa, podemos cubrir o fondo do prato cun bo prebe de tomate.
Xa veredes como son do gusto da vosa mesa.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito