Guiso de peixe sapo

Ir á receita en castelán

• 600 grs de peixe sapo
• 4 patacas medianas
• 1 porro
• 1 penca de apio (opcional)
• 1/2 cebola
• 3 dentes de allo negro
• 1 cullerada de polpa de pemento choriceiro
• Caldo de peixe
• Aceite, sal e pementa

Estamos diante dun guiso eminentemente mariñeiro, diante dun marmitako de peixe sapo.

Cando falamos de marmitako, deseguido o asociamos co bonito, pero na súa orixe era ese guiso mariñeiro que se facía nos barcos de faena e que levaba o peixe que se collera no momento.

Como vedes nos ingredientes traio a miña cociña o allo negro por primeira vez. De sabor lixeiramente doce e máis dixestivo co allo normal.

Tamén me permito a licencia de introducir o apio (opcional) no guiso. Vaille a aportar ese toque especial que da este vexetal e que a min non me disgustou.

1. Preparamos o peixe sapo e cortamos en anacos. Reservamos.
2. Picamos a cebola, o porro, o allo en láminas, o apio e cortamos as patacas, triscando na parte final do corte para que o amidón que solta nos engorde o prebe.
3. Poñemos aceite nunha cazola e incorporamos a cebola e o porro. Deixamos que se vaia facendo e engadimos o allo. Deixamos ate que a cebola estea branda.
4. Collemos o apio e as patacas e incorporamos a cazola e remexemos todo o conxunto un par de minutos.
   
5. Cubrimos o conxunto co caldo de peixe, engadimos a cullerada de polpa de pemento choriceiro, a sal e un toque de pementa. Deixamos facer a lume brando.
6. Salpimentamos os anacos de rape reservados e incorporamos o noso guiso, cando vemos que as patacas xa están listas. Non remexemos con ningún utensilio, remexemos con movementos de cazola e deixamos que se faga uns tres minutos.
7. Retiramos e deixamos repousar outros tres minutos, para que se termine de facer o peixe sapo co calor residual.

Levamos este guiso mariñeiro a nosa mesa e acompañaremos de un bo pan, pois seguro que todos ides a facer sopas co mesmo.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito