Navallas en conserva sobre niño de pasta

Ir á receita en castelán

• 1 lata de navallas
• Niños de pasta
• Romeiro
• Sal
• Sal de pementón La Chinata
• Aceite de oliva virxe

Imos a seguir dándolle percorrido as receitas con conservas.

Posiblemente o blogtrip ó que fun invitado por Anfaco, foi do que máis proveito saquei en cuestión de aportación ó blog.

Trouxen un montón de receitas que agora estou a compartir con todos vos.

1. Poñemos a cocer a pasta en auga con unhas gotas de aceite e sal. Deixamos ó dente.
2. Sacamos a pasta, con moito coidado que non se desfagan os niños, e poñemos a escoar.
3. Mentres abrimos a lata, reservamos o líquido de goberno e salteamos as navallas nunha tixola cunhas gotas de aceite e un par de ramas de romeiro.
4. Retiramos as navallas e incorporamos á tixola o líquido de goberno. Deixamos reducir.
5. Poñemos, no noso prato de servizo, un niño, salgamos co sal de pementón, por riba do niño dúas ou tres navallas e regamos co líquido reducido.

Como podedes ver cunha lata de conservas, podemos levar a nosa mesa un rico e distinto prato.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito