Ir al contenido principal

Bacallau con boletus e crema de castañas

Ir á receita en castelán
  • 2 lombos de bacallau desalgado
  • 200 grs de castañas
  • 200 grs de boletus
  • 1 cebola
  • 1 vaso de viño branco
  • Caldo de polo
  • 1 rama de romeiro fresco
  • Aceite de oliva
  • Sal e pementa




Como vedes, hoxe decido levar de paseo ó bacallau ó monte. Entón o bacallau fixo dúas amizades e quixo traelas para a miña cociña: a castaña e o boletus.
As técnicas de desecado, fai que podamos usar produtos de tempadas distintas. Neste caso esta é unha receita que nos fala de outono, pero que gracias as castañas secas e os boletus deshidratados, podemos facela no momento que queiramos.

  1. Poñemos as castañas en auga a noite anterior.
  2. Poñemos os boletus uns 15 minutos en auga tibia e reservamos.
  3. Picamos a cebola (non importa o tamaño, despois imos a triturar) e cortamos as castañas pola metade, reservando tres ou catro para guarnición.
  4. Nun cazo poñemos un fondo de aceite e engadimos a cebola, salpimentamos e deixamos facer ata que estea pochada.
  5. Neste momento engadimos as castañas e deixamos facer ata que empecen a coller algo de cor.
  6. Incorporamos o viño branco, deixamos que se evapore o alcohol e que reduza, prácticamente de todo, o líquido.
  7. Cubrimos o conxunto co caldo de polo e deixamos facer ate que as castañas estean brandas (uns 20 minutos aprox.).
  8. Trituramos as castañas e pasamos polo chino para que nos quede unha crema sedosa. Por moito que trituremos sempre van a quedar restos de castaña. Devolvemos a crema á cazola.
  9. Mentres se fan as castañas, pasamos os lombos de bacallau por aceite quente volta e volta. Reservamos en papel absorbente.
  10. Pasamos o bacallau á cazola da crema e deixamos que se faga uns seis minutos. Si fixera falta, podemos engadir un pouco de auga á crema.
  11. Levamos unha tixola ó lume cun pouco de aceite, salteamos as castañas reservadas, uns sete minutos, e a continuación botamos os boletus reservados e deixamos facer uns cinco minutos mais.
  12. Poñemos o bacallau no prato de servizo, salseamos ca crema de castañas e acompañamos ca guarnición de castañas e boletus. Picamos finas unhas follas de romeiro e botamos por riba.
Veredes que ben vai a combinar o bacallau con estes dous froitos do monte e do outono.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es

  
Etiquetas: