Ir á receita en catelán
- 100 grs de salmón afumado
- 200 grs de lombos de bonito en aceite
- 2 tomates rama
- 6 pepinillos
- 1 lata de anchoas
- 1 cebola morada
- 1 aguacate
- 1 limón
- Follas de leituga
- Maionesa
- Sal e aceite de oliva
Hoxe traemos ó blog, unha ensalada na que as conservas xogan un papel importante, xunto co salmón.
Imos a facer unha sinxela ensalada que vai a estar chea de colorido e de sabores e que, despois de tanta inxesta de cocidos varios é coma un oasis no deserto.
- Pelamos e retiramos as pebidas dos tomates. Cortamos en dados pequenos, poñemos nun bol e aliñamos con sal e un fío de aceite de oliva. Reservamos.
- Cortamos a polpa do aguacate en dados pequenos, poñemos nun bol con sal e rociamos con zume de limón. Reservamos
- Cortamos unha terceira parte do salmón en tiras finas. O resto en dados e reservamos.
- Escoamos os lombos de aceite e picamos, tamén, en dados pequenos.
- Picamos, do mesmo xeito, os pepinillos e as anchoas escoadas de aceite.
- Picamos en plumas finas a cebola.
- No bol que tíñamos o tomate, engadimos o bonito, o salmón en dados, os pepinillos e as anchoas. Mesturamos ben e engadimos dúas ou tres culleradas de maionesa.
- Para o servizo, poñemos unha base de follas de leituga (picadas), coma base dentro de un molde corta pastas. Por riba un par de culleradas da mestura da maionesa e coroando uns dados de aguacate e tiras de salmón.
Xa temos unha saborosa ensalada, que podemos deixar preparada con antelación e unicamente montala no momento do servizo.
Vai a gustarvos a mestura de sabores.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito