Ir á receita en castelán
- Pasta
- 350 grs de champiñóns
- 75 grs de xamón serrano
- 1 chourizo
- 2 allos
- 1/2 cebola
- Aceite de oliva
- Sal
Que tal un prato cheo de sabores, de sabores de sempre, de sabores nosos. Nestes pratos básicos e sinxelos, é onde case sempre encontramos unha referencia os nosos sabores no recordo.
Os que me seguides, xa me tedes escoitado que, case sempre, no sinxelo está o excelso.
- Poñemos a cocer a pasta segundo as indicacións do fabricante. Escoamos e reservamos.
- Cocemos o chourizo para que solte a graxa e que logo non nos estrague o prato. Reservamos.
- Lavamos os champiñóns cun pano húmido, cortamos en cuartos e reservamos.
- Picamos a cebola e os allos. Pochamos en aceite de oliva.
- Mentres se fai a cebola e o allo, picamos o xamón e o chourizo en dados.
- Cando a cebola estea, incorporamos os champiñóns e deixamos facer remexendo. Deixamos os champiñóns ó dente.
- Engadimos o xamón, refogamos uns minutos e de seguido incorporamos o chourizo.
- Engadimos ó conxunto a pasta e damos un par de voltas.
Xa vedes que con poucos ingredientes, levamos a nosa mesa un prato cheo de sabor.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito