Ir al contenido principal

Entradas

Mostrando entradas de noviembre, 2010

Xornada mundial do sida

Tosta de piquillos con anchoas e requeixo

Nestes días atrás estiven a asistir a un pequeno curso de tres días que se fixo no CC Ponte Vella. O lema do curso era. "Tapas e tragos". Irei poñendo as tapas que fixemos, e unha delas é esta que nos ocupa. Vou a poñer cantidades para catro tostas, é aproximado, que cada un os use na mediada dos seos gustos. 4 tostas de pan 3 pementos de piquillo 1 dente de allo 200 grs de requeixo 1 lata de anchoas Ceboliño fresco Vinagre de Módena Poñemos a confitar os pementos co dente de allo sen pelar e cubertos de aceite (xogade co lume, non debería pasar de 70 ou 80 grados; en roman paladino, que non debe ferver, deixádeos entre 30 e 40 minutos, pódese engadir unha culleriña de azucre contra o final. Facemos unha redución de vinagre de Modena (como norma para 1 litro de líquido, 400 grs de azucre), evidentemente non necesitamos un litro. Facer nun cazo ata conseguir a textura desexada, pensade que cando arrefría tende a espesar. Picamos finos os pementos, o ceboliño e

Ovos recheos rebozados

Nada novo baixo o mundo; son uns ovos recheos de toda a vida, pero non me resisto a poñelos no sitio este. Necesitaremos: 5 ovos 250 ml de leite 2 culleradas de fariña 1 cullerada de manteiga 8 filetes de anchoa Noz moscada Pan relado Aceite e sal Poñemos catro ovos a cocer en auga con sal, partindo de auga fría, durante 10 minutos. A continuación, retiramos, arrefriamos e pelamos. Reservar.   Nun cazo, fundimos a manteiga e douramos a fariña. Incorporamos a leite sen deixar de remexer ata que espese. Salpimentamos e engadimos un pellizco de noz moscada. Ten que quedar como unha bechamel bastante espesa e debemos esperar a que arrefríe para poder manipulala.   Partimos os ovos pola metade, retiramos as xemas e reservamos as claras. Picamos as xemas de huevo y misturámolas cos filetes de anchoa picadas e ca bechamel.   Recheamos as claras cocidas ca mistura de xeito que volva a ter forma de ovo enteiro.   Batemos un ovo nun bol e poñemos o pan relado noutro. Pasamos

De Sta. Irene a O Monte do Gozo

Este último sábado fixemos a penúltima etapa do Camiño. As previsións climatolóxica eran máis que malas, eran pésimas; de feito na chegada a Sta. Irene o comité de recepción foi unha tremenda cortina de auga. Sen embargo a mañá foi amiga e deixounos camiñar sen auga. Comentei con algúns dos camiñantes a sorpresa que foi atopar unha fermosa etapa, cando a idea que levaba era, pola proximidade de Santiago, de unha etapa case que asfáltica. E a opinión era dominante. O paso polo concello de O Pino atravesamos un bosque realmente fermoso, eucaliptos (sen máis comentarios) case que sen fin, carballos de caprichosas formas. Non o falei no seu momento ca xente que ía, máis agora que ninguén me escoita, pareceume un pouco máxico, sentindo unha sensación estraña, unha sensación que se me antollaba de moito sosego. Despois de mirar as fotos aínda se me acentuou máis esa sensación; non me fagades moito caso, podería ser un bosque animado:  " - Buenos días amigos- dijo Roble con voz poten

Follado de polo

Retomamos a masa follada, que tanto xogo nos da na cociña salgada. Hoxe combinarémola con polo e un sofrito que o vai a facer máis zumarento. Os nosos ingredientes: 2 Peitugas de pollo enteiras 30 grs de manteiga 1 cebola pequena 1 dente de allo 250 grs de champiñóns 2 masas de follado lonxas de touciño 1 ovo Aceite, sal e pementa Pois con todo o anterior poñémonos mans a obra. Cada peituga enteira partímola en dúas, salpimentámolas e douramos en 4 culleradas de aceite. Reservamos. Picamos fino a cebola e o allo, o mesmo os champiñóns. Nun cazo poñemos a manteiga e engadimos a cebola e o allo, facemos a lume brando. Cando estean transparentes engadimos os champiñóns, subimos un pouco o lume, salpimentamos e cocemos sen tapar. Cortamos cada lámina de masa follada en dúas, en cada unha delas poñemos unha peituga co sofrito por riba e tapamos cas lonxas de touciño. Cerramos ben o follado, pintamos co ovo batido e poñemos no forno, prequecido a 200º, entre 20 ou 30 minutos

Crema de mazá e xamón

Imos alá con outra crema, desta misturaremos a mazá co xamón. Particularmente gústame, o sabor que devolve unha vez tomada a cullerada, paréceme soberbio. Usaremos: 1 bolsa de puré Maggi 1 Bote de leite evaporado Ideal 4 Mazás Goldén 2 Osos de xamón (codillo) 1 caciño de caldo de verduras Knorr 4 lonxas de xamón 25 grs de manteiga Como fixemos na entrada anterior facemos o xamón no microondas uns 2 e medio ou 3 minutos. Pelamos as mazás e cortámolas en gallos, refogámolas na manteiga; engadimos 1 litro de auga, os osos de xamón (ollo que nos estean rancios), o caciño de caldo de verduras e cocémolo a lume brando durante 30 minutos. Retiramos os osos de xamón e trituramos ca batedora, ata obter unha crema fina; engadimos a leite e o sobre dos copos de patacas, deixámolo repousar e remexemos. Servimos co xamón en anacos por riba. Un pouco de aceite de oliva virxe non lle ven nada mal. Non dubidedes en probalo.

Tartaleta de escuma de allo con gulas e xamón ibérico

Estou a probar algunhas cousas para as festas de Nadal que xa está na porta. Segundo vaia probando ireino poñendo no blog, sempre que mereza a pena, por se pode axudar a alguén. Contaremos para este petisco con: 1 cabeza de allos 125 grs de maionesa 2 claras de ovo 150 grs de gulas 100 grs de xamón unhas ramas de ceboliño ou perixel Cocemos a cabeza de allos o forno a 160º, durante unha hora. Cando se poida manipular, extraese a polpa dos allos. Facemos unha maionesa, misturando a polpa dos allos. Montamos as claras, con un belisco de sal, a punto de neve e misturámolas con delicadeza ca salsa maionesa. Salteamos nun pouco de aceite as gulas. Poñemos as lonxas do xamón no microondas entre 2 e medio ou 3 minutos. Cando se poida manipular faremos labras. Montaxe: na tartaleta poñemos unha base da salsa, por riba as gulas e rematamos con unha farándula de labras de xamón. Adornamos con ceboliño. 

Crumble de cabaciña, serrano e parmesano

O crumble proven da cociña inglesa e é un prato de sobremesa (froitos roxos, mazás, peras, etc). Igual que fixemos co clafoutis, imos a facer unha versión salgada, e para elo imos a precisar: 3 cabaciñas 6 lonxas de xamón serrano 4 culleradas de aceite de oliva 120 grs de parmesano relado groso 80 grs de manteiga 4 culleradas de fariña pan relado Faremos do seguinte xeito: cortamos as cabaciñas en rodelas e pasámolas pola tixola con un pouco de aceite uns 3 ou 5 minutos, retirámolas sobre papel e salpimentamos. Cortamos o xamón en anacos pequenos. Nunha cunca misturamos a manteiga abrandada co parmesano a máis a fariña. Facemos unha masa beliscando cos dedos ata que quede homoxénea e forme unha especie de engrudo. Colocamos as rodelas da cabaciña, nunha fonte de forno, intercalando os anacos de xamón, repartimos a masa de parmesano por riba, espolvoreamos co pan relado e metemos a grellar no forno ata que faga costra e colla cor.

Potaxe de fabas e col o viño tinto

Que vaia por diante que ha fabada tradicional está moi presente no meu receitario de cabeceira, máis de cando en vez temos que combinar con outros elementos. Para facer esta potaxe, imos a procurar os seguintes ingredientes: 300 grs de fabas pintas 1 vaso de viño tinto (200 ml) 200 grs de tomate frito Solís 100 grs de touciño entrefebrado 1/2 col 1 caciño de caldo de verduras Knorr 1 cenaoria 1 porro 2 dentes de allo 1 folla de loureiro aceite e sal Nunha cazola con un pouco de aceite, refogamos a cenaoria, o porro e un dente de allo picados. Engadimos o touciño tallado e cando estea dourado votamos o tomate frito e incorporamos as fabas, o caciño de Knorr, o loureiro e o viño. Cubrímolo con auga fría. Cocemos o conxunto a lume suave durante 2 horas (ver o tempo de cocción das fabas). Mentres cocen as fabas, cortamos a col en tiras e cocémola en auga salgada, escorregamos ben. Douramos o outro dente de allo e refogamos a col reservada. Engadimos a col a o potaxe e re

Clafoutis de cabaciñas e queixo de cabra

Primeiro de nada imos ca petulancia do nome: clafoutis e unha palabra que procede do francés, ven dun verbo que significa reencher e fai referencia a unha torta de cereixas. O que fago hoxe e a súa versión salgada. Ten algunhas similitudes con unha quiche. A opinión que vou a dar é a dun profano e que a fai a partir do que leva lido e observado; penso que a cociña francesa, é unha copia da española feita con manteiga. Que me desculpen os milleiros de seguidores franceses que teño. Ben vamos co que nos interesa e para elo necesitaremos: 2 cabaciñas 1 lonxa grosa de xamón cocido 1 bote de leite evaporado ideal (470) 250 grs de queixo de cabra en rulo 4 ovos 2 culleradas de fariña Manteiga, sal e pementa Lavamos e relamos as cabaciñas ca pel. Nun bol batemos os ovos ca fariña, vertemos o leite evaporado e engadimos a metade do queixo desmigado, as cabaciñas reladas e o xamón cortado en dados. Salpiméntase e misturase ben. Prequecemos o forno a 200º. Vertemos nun molde (unt

De paseo por Extremadura

Esta fin de semana fixemos unhas mini vacacións, e aproveitamos para ir a Extremadura. Nesta ocasión estivemos a ver o Castelo de Belvís de Monroy, localidade próxima a Navalmoral de la Mata. Como podedes constatar nas fotos o aspecto exterior é moi bo, máis a realidade é que o descuido foi absoluto, a pesares de todo merece a pena a visita. A pouca distancia esta a Ermita de Berrocal que fai recoñecemento a os franciscanos que andaron polas Indias. O lado está un convento de esa orden, pero estaba pechado. Xa nas proximidades das Hurdes, visitamos Granadilla un pobo con porta de entrada e horario de visitas. Cando se constrúe o encoro de Gabriel e Galán procedese a súa despoboación o considerase zona inundable todas as súas fértiles terras. A este motivo engádese o aillamento en que quedou o ser inundadas as vías de comunicación. A partires do ano 1986 comeza a súa rehabilitación. Se vos cadra merece a pena visitalo. Aproveitando a proximidade visitamos a cidade romana de Cáparra

Queixo Camembert frito con marmelada de frambuesa

Imos a facer un queixo cremoso con unha das mermeladas que mellor convina, a de frambuesas. Necesitaremos: 1 caixa de Camembert en porcións Marmelada de frambuesas Fariña, pan relado, ovo e aceite Moi sinxelo, pasamos as porcións do queixo por fariña, ovo e pan relado. Reservamos. A marmelada imos a glaseala, para elo nun cazo pequeno votamos unhas 6 ou 7 culleradas de marmelada, engadimos 2 culleradas de auga e unhas 3 culleradas de azucre. Deixamos facer no lume, remexendo, uns oito minutos aproximadamente. Con esta marmelada glaseada salseamos o fondo do prato de servizo. Fritimos o queixo rebozado. Poñémolo no prato de servizo, e salseamos por riba co resto da marmelada. O conxunto de sabores e boísimo.

Berenxenas recheas de champiñóns

Estamos diante dun vexetal que produce sensación de saciedade e que é rico en fibra e baixo en calorías, polo que é moi recomendable nas dietas de adelgazamento. Máis toda a maxia da dieta soamente ten efecto cando se consume asada e non se aliñe con un exceso de aceite. Esta receita non e de dieta. Necesitaremos: 4 berenxenas medianas 250 grs de champiñóns 1 cebola grande 500 ml de leite 40 grs de manteiga 40 grs de fariña Noz moscada Queixo mozzarella e emmental relados Aceite, sal e pementa Comezamos por cortar o tallo das berenxenas e partímolas e rodelas de 5 cms. aproximadamente. Fanse unhas incisións en forma de cuadrícula en frítense en aceite (aviso para que tomedes precaucións, ¡¡SALTA, SALTA E SALTA!!). Unha vez fritas sácaselle a polpa e resérvase. Cortamos a cebola en xuliana e sofritimos en aceite, cando comeza a coller cor engádense os champiñóns limpos e laminados finos. Despois incorpórase a polpa das berenxenas e faise uns 5 minutos máis. Salpimentar

Polo de curral marinado

Imos a darlle un pouco o polo, de curral por suposto. Pode ser coma un escabeche, pero invertido, feito de adiante para atrás. As medidas que dou son para 750 grs de polo. Imos a necesitar: 750 grs de polo de curral troceado Fariña sal, pementa recén moida e aceite de oliva PARA O MARINADO 5 culleradas de aceite 5 culleradas de vinagre 5 culleradas de zume de limón 2 dentes de allo picados 1 cebola pequena cortada en plumas 1 folla de loureiro troceada 1 culleriña de ourego ou tomillo 2 graos de pementa picados 2 sementes de coriandro machacadas Poñemos todos os ingredientes do marinado nun recipiente fondo e somerxemos os anacos do polo procurando que queden ben cubertos. Tapamos con film e deixamos repousar en sitio fresco a lo menos 3 horas, se queda da noite anterior mellor. Escorréganse os anacos do polo, salpiméntanse e pásanse por fariña. Fritímolos en aceite quente dándolle voltas para que doure de xeito uniforme. Pasamos o polo a unha bandexa de forno e rem

Bacallao ó pil-pil con puré de patacas

Como comentei na entrada anterior fixen un par de pratos con puré de patacas un foi o dos ovos e este con bacallao. Necesitaremos: 800 grs de bacallao desalgado (lombos grosos) 1 bolsa de puré de patacas Maggi 3 pementos verdes 2 cebolas 3 dentes de allo 1 guindilla 1/2 litro de aceite de oliva O tema do pil-pil non é en exceso complicado, máis require de paciencia e presencia o pe do lume. Imos alá. Fritimos os dentes de allo en láminas e a guindilla en 400 ml de aceite, cando empecen a dourarse retirámolos. Agregamos os lombos de bacallao  ca pel para riba. Deixámolos cocer uns 3 minutos. Retiramos os lombos e colocámolos nunha cazola de barro ca pel cara arriba e un pouco de aceite da fritura anterior. Quecémolo a lume brando, sen deixar que chegue a ferver, movendo de forma continua a cazola en círculos, para que ligue o aceite (se vedes que é preciso retiralo do lume). Segundo vaia ligando, ir engandindo máis aceite ata que volva a ligar, continuar o proceso ata consum

Ovos fritos con puré de patacas e muslo de pato en confit

Esta fin de semana fixen dous pratos con puré de patacas. Neste engadinlle unha graxa e un ovo que o fixo máis cremoso e suave. A mistura, penso, foi realmente boa. Usaremos: 4 ovos 1 xema de ovo 1 bolsa de puré de patacas Maggi 2 sobres de zanco de pato en confit COREN 20 grs de graxa do confit Sal Maldón Poñémonos a preparalo: Facemos o puré de patatas seguindo as instrucións do fabricante. Misturamos ben. Incorporamos a graxa do pato reservada e a xema do ovo batida, sazonamos con pementa branca. Quecemos os zancos de pato 15 minutos, no forno prequecido e a 200 º. Desosamos os zancos e misturamos co puré de patacas. Reservamos uns anacos para a presentación do prato. Presentamos o puré en cuncas e fritimos os ovos aceite ben quente, salgamos a xema con sal Maldón e servimos co puré. A mistura da graxa e o ovo, dálle unha textura moi sedosa a o puré de pataca, moi agradable.

Biscoito de chocolate e améndoas con albaricoque

Imos a adozar un pouca a vida con unha sobremesa moi doada e con bos resultados. Imos a necesitar os seguintes ingredientes: 150 grs de manteiga 150 grs de azucre 100 grs de fariña 100 grs de améndoa crúa moida 3 ovos 1 culleriña de lévedo en po Marmelada de albaricoque COBERTURA 1 pastilla de chocolate Nestlé Postres 50 grs de manteiga Pois arrancamos fundindo a manteiga e misturándoa co azucre, as xemas e as améndoas moidas. Engadimos a fariña e o lévedo e incorporamos con movementos envolventes de abaixo para riba as claras a punto de neve. Vertémolo nun molde engraxado e enfariñado ( se é de silicona non fai falla), e cócese a forno medio de 25 a 30 minutos. Deixámolo arrefriar. Fundimos o chocolate troceado, o baño maría, ca manteiga. Cortamos o biscoito en dous discos e reenchemos ca marmelada e parte do chocolate. Colocamos o outro disco por riba e cubrimos co chocolate restante. Boa sobremesa.