Ir á receita en castelán
- Arroz bomba
- Mexillóns
- Cebola
- Pemento vermello
- Pemento verde
- Allo
- Touciño
- Viño branco
- Caldo de facer os mexillóns
- Aceite de oliva
- Sal
Estamos tendo unha tempada na que está a haber no mercado uns excelentes mexillóns. Hoxe imos a facer un arroz con eles e a seguinte receita será de un escabeche.
A receita de hoxe é moi sinxela, pero non por elo de menos categoría e sobre todo chea de sabor.
- Abrimos os mexillóns ó vapor, para elo poñémolos na cazola e deixamos que se vaian abrindo na súa propia auga.
- Segundo vaian abrindo os imos retirando a unha fonte e colamos o caldo resultante que reservaremos. Sacamos os mexillóns das cunchas e reservamos
- Picamos as verduras e facemos o sofrito a lume brando.
- Cando as verduras estean no seu punto engadimos o touciño ben picado. Deixamos facer un par de minutos.
- Engadimos o arroz e remexemos cas verduras para que se mesturen os sabores. Regamos cun golpe pequeno de viño branco e deixamos que se evapore o alcohol.
- Neste momento botamos o caldo da cocción dos mexillóns e deixamos que se nos vaia facendo. Aclarar o tema da sal, o touciño leva sal e o caldo dos mexillóns leva a sal que traen, probade e si tal rebaixades o caldo cunha pouca auga.
- Cando lle queden cinco minutos ó arroz, incorporamos os mexillóns. Pasado o tempo retiramos e deixamos repousar.
Xa vedes que non vos engano, sinxelo, de categoría e cheo de sabor a mar.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito