Ir á receita en castelán
- 4 rodelas de ossobuco
- 2 chalotas
- 1 cebola
- 1 cenoria
- 2 tomates pera
- 2 dentes de allo
- 300 ml de viño branco Ribeiro
- Caldo de carne
- Aceite de oliva
- Sal e pementa
Como parece que, de momento, cambia o tempo e vaise arrimando ó outono, imos a ir poñendo un prato dos que se chaman contundentes.
Eu non sei si este é un prato dos que chaman "viejunos" algúns dos modernos que andan pola nosa gastronomía, pero o que si sei é que será un éxito seguro na mesa.
Polo que levo lido, esta receita acércase moito a receita italiana.
O nome da peza "Ossobuco" ven pola súa conformación: oso e oco.
- Picamos a cebola, as chalotas, a cenoria en dados, os allos e os tomates.
- Salpimentamos as pezas de carne e douramos nunha cazola cun pouco de aceite. Retiramos e reservamos.
- No mesmo aceite engadimos a cebola, as chalotas e as a cenoria, refogamos ate que estean douradas. Incorporamos a continuación os tomates e os allos. Deixamos facer uns tres ou catro minutos.
- Regamos o sofrito co viño e deixamos evaporar o alcohol. Volvemos á cazola os anacos de carne e cubrimos co caldo de carne. Deixamos facer a lume brando e vainos levar entre 1,30 e 2,00 horas.
- Cando a carne estea branda, retiramos do lume e deixamos repousar uns minutos.
- Para o servizo poñemos unha rodela de carne no prato e cubrimos co prebe de verduras. Como guarnición, e seguindo os canons italianos, podemos acompañar cun lixeiro risotto de verduras (cabaciña ou cabaza).
Todo sabor na vosa mesa, pero é fundamental a calidade da carne, Tenreira Galega de Calidade.
Un consello, poñer un bo pan, pois non van a parar de facer sopas.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito