Ir á receita en castelán
Xa temos que empezar cos pratos de culler, aínda que esta receita non é exactamente unha fabada, vaille sentar moi ben ó noso corpo.
- 300 grs de fabas de Lourenzá
- 200 grs de xarrete
- 150 grs de panceta
- 1 chourizo
- ½ cebola
- 2 dentes de allo
- Pementón de La Vera
- Aceite de oliva
- Sal
Xa temos que empezar cos pratos de culler, aínda que esta receita non é exactamente unha fabada, vaille sentar moi ben ó noso corpo.
A faba que imos a usar é unha faba procedente do Val de Lourenzá, na Mariña Lucense. Unha faba de unha calidad excepcional e que está amparada pola IGP (Indicación Xeográfica Protexida).
Está documentado o mercado desta faba dende o século XVIII. Comparto o enlace co Concello de Lourenzá, por se vos interesa coñecer máis sobre o produto.
- Deixamos as fabas a remollo desde a noite anterior.
- Imos a facer este guiso partindo con todos os ingredientes en frío.
- Despois de escoadas e pasadas por auga, poñemos as fabas nunha cazola axeitada.
- Picamos a cebola, o allo e incorporamos.
- Cortamos en anacos bos o xarrete, o chourizo e a panceta. Incorporamos á cazola.
- Regamos cun bo chorro de aceite e cubrimos con auga.
- Levamos o conxunto a ebulición e rebaixamos a lume brando. Engadimos o pementón.
- Deixamos facer entre unha hora e media e dúas horas. Se fose necesario engadimos algo máis de auga.
- Para o servizo poñemos unha base de fabas nun prato, un anaco de carne, de chourizo e de panceta. Regamos co caldo da cocción.
Levamos rapidamente para a mesa e ides a comprobar o motivo da fama desta fantástica faba.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito