Ir al contenido principal

Bacallau con champiñóns en prebe de améndoas

 Ir á receita en castelán
  • 2 lombos de bacallau desalgado
  • 75 grs de améndoas laminadas
  • 1 rebanda de pan
  • 2 dentes de allo
  • 1 cebola pequena
  • 75 grs de tomate triturado
  • 1 vaso pequeno de viño branco
  • 100 grs de champiñóns
  • Pementón agridoce de La Vera
  • Aceite e sal 

A receita que imos a ver hoxe, leva como compoñente principal o bacallau.
Este produto vai a estar moi presente, en moitas mesas durante as datas, que se acercan, de Semana Santa.
Imos a presentar o lombo limpo de espiñas, para que sexa máis fácil e agradable a súa degustación.
  1. Pelamos e laminamos os allos, que douramos nunha tixola con aceite e reservamos nun morteiro.
  2. No mesmo aceite fritimos a rebanda do pan e levamos tamén ó morteiro.
  3. Fritimos as améndoas, si fixera falla engadimos un pouco de aceite, procurando que non se queimen. Levamos a metade ó morteiro e reservamos a outra metade.
  4. Machacamos o reservado no morteiro, cun belisco de sal e un golpe de pementón agridoce. Cando estea ben machacado o humedecemos cun pouco de viño.
  5. Picamos a cebola e sofritimos ata que estea branda. Engadimos o tomate e deixamos facer uns tres ou catro minutos. Incorporamos o morteiro e damos un par de voltas. Trituramos.
  6. Facemos os champiñóns laminados e os incorporamos ó prebe.
  7. Para o bacallau temos dous camiños:
    1. Podemos facelo ó baleiro segundo o enlace. Eu fíxeno de este xeito.
    2. Ou podemos poñer o prebe nunha fonte de forno e, co forno prequecido a 180º, facer entre 10 ou 15 minutos.
  8. No prato de servizo, poñemos un fondo de prebe, por riba o lombo de bacallau e parte das améndoas reservadas.
Se na vosa mesa se sentan amantes do bacallau, non deixedes de agasallalos con este prato.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito