Champiñóns recheos ó forno

Ir á receita en castelán

Un entrante que gusta a case todo o mundo e de moi fácil execución.

• Champiñóns
• Cebola
• Allo
• Pemento vermello
• Cenoria
• Xamón
• Xemas de espárrago verde
• Queixo tetilla Arzúa (ou outro)
• Sal e aceite

O champiñón é un cogomelo que sole gustar a case todo o mundo. Incluso aqueles que non comen cogomelos. Non esquezades o importante que é unha boa limpeza dos cogomelos, antes da súa preparación.

Con respecto ó queixo, usei un queixo de pasta branda para que se me quedase coma unha crema. Pero, evidentemente, podedes usar o que máis vos guste.

1. Limpamos os champiñóns cun pano húmido e separamos o pe do sombreiro. Reservamos por separado.
2. Picamos fina a cebola, o allo, o pemento e a cenoria. Poñemos a sofritir a lume brando. Salgamos e deixamos facer.
3. Picamos o xamón e os pes dos champiñóns. Reservamos.
4. Mentres se fan as verduras, escaldamos uns minutos as xemas dos espárragos. Pasamos a auga fría para deter a cocción e reservamos.
   
5. Cando vemos que as verduras están brandas, engadimos o xamón e os pes reservados. Deixamos facer todo o conxunto. Salpimentamos.
6. Prequecemos o forno a 200º e untamos unha bandexa de forno con unhas gotas de aceite.
7. Reenchemos as cabezas dos champiñóns ca mestura preparada, poñemos unha punta de espárrago e un anaco de queixo.
8. Pasamos os sombreiros á bandexa e levamos ó forno uns 15 minutos.

Facede unha boa cantidade, xa que van a voar da mesa. Xa veredes que o espárrago lle vai a dar un toque distinto ó conxunto.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito