Ir á receita en castelán
Tres das miñas debilidades xuntas nunha mesma receita.
- 150 grs de arroz (2 pax)
- 1 lombo de bacallau
- 400 grs de mexillóns
- 1/2 cebola
- 1/2 porro (da parte branca)
- 1 dente de allo
- 1 anaco de pemento vermello
- 1 vaso de viño branco
- Pementón agridoce de la Vera
- Sal
- Aceite de oliva
Seguramente algún ingrediente non é moi ortodoxo, pero como me gustan eu os incorporo.
Teño que dicir que o sabor que lle aporta o bacallau ó arroz é realmente sensacional.
- Poñemos a cocer os mexillóns. Eu non lles engado nada, deixo que se fagan na propia auga que soltan. Imos retirando segundo van abrindo, retiramos das cunchas e reservamos. Coamos a auga da cocción e reservamos para o arroz.
- Picamos a cebola, o porro, o dente de allo e o pemento vermello. Poñemos a facer, nunha cazola baixa con dúas culleradas de aceite, salgamos e deixamos facer a lume brando.
- Cando as verduras estean brandas, engadimos o arroz e remexemos para que se mesture cas verduras.
- Engadimos o vaso do viño branco e deixamos que se evapore, dando voltas de seguido a todo o conxunto.
- Botamos o pementón, damos dúas voltas para que se integre e de seguido o caldo, reservado quente, dos mexillóns. Deixamos que se vaia facendo.
- Mentres se vai facendo o arroz, retiramos a pel e espiñas do lombo de bacallau. Cortamos en anacos de algo mais que bocado.
- Cando vexamos que ó arroz lle quedan uns catro minutos, engadimos os anacos de bacallau e os mexillóns. Remexemos e deixamos eses minutos que restan. Si fixera falla, podemos engadir un pouco de caldo.
- Fora do lume, tapar e deixar repousar outros catro minutos e levar quente para a mesa.
Si o bacallau é bo, veredes que textura tan fantástica se lle vai a quedar. Vaise a ir desconchando.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito